Ársskýrsla Hugverkastofunnar er komin út en líkt og í fyrra er ársskýrslan einungis gefin út í stafrænu formi. 

Í skýrslunni er farið yfir starfsemi Hugverkastofunnar og viðburðarríkt starfsár. Þar ber helst að nefna breytingar á lögum um vörumerki og aðgerðir og áherslur Hugverkastofunnar í kjölfar heimsfaraldurs COVID-19. 

Skýrslan inniheldur einnig pistla eftir starfsfólk Hugverkastofunnar um hugverkatengd málefni. Þar kennir ýmissa grasa, t.d. er fjallað um hlut kvenna í einkaleyfaumsóknum, hugverk og fjórðu iðnbyltinguna, vörumerki sem stríða gegn siðgæði og einkaleyfi í sjávarútvegi svo eitthvað sé nefnt.

Áhersla er einnig lögð á aðgengilega framsetningu á tölfræði tengdri hugverkum og hugverkaskráningum. Auk þess að vera ítarlegri en áður er tölfræðin sett fram á gagnvirkan hátt sem veitir einstaka innsýn í heim hugverka og stöðu nýsköpunar hér á landi.

Hægt er að lesa skýrsluna með því að smella á hlekkinn hér fyrir neðan.

Ársskýrsla Hugverkastofunnar 2020

Image
Mynd
Jón Gunnarsson

Jón Gunnarsson

Position
Samskiptastjóri
Phone
5809405
E-Mail
@email