Samanburðarleit fyrir vörumerki
Ert þú með hugmynd að vörumerki? Veist þú hvort að vörumerkið sé einstakt? Samanburðarleit fyrir vörumerki er þjónusta sem Hugverkastofan býður upp á en það er leit í vörumerkjaskrá að sambærilegu merki með tilliti til ruglingshættu.
Mynd
Eftir að greiðsla hefur borist, þá skoðum við:
- Hvort eldri skráð vörumerki eru eins eða lík því merki sem þú hefur áhuga á / ert með í höndunum þannig að ruglingshætta gæti skapast milli merkjanna.
- Hvort slíkt merki er skráð fyrir sömu eða sambærilega vöru/þjónustu og þú hyggst nota merkið fyrir.
- For-athugun í vörumerkjaskrá á því hvort að eldri skráð réttindi á þínu sviði séu til staðar áður en lögð er inn umsókn um skráningu vörumerkis.
- Tækifæri til að meta áður en lagt er út í kostnað hvort rétt er að sækja um eða endurskoða val á merki.
Leit miðar ávallt við stöðu í vörumerkjaskrá á þeim tíma sem leitin fer fram.
Vinsamlega athugaðu að niðurstaða samanburðarleitar er ekki bindandi fyrir skráningaryfirvöld.