Vörumerki

Vörumerki eru oft verðmætustu eignir fyrirtækja og mikilvægt að halda vel utan um þau og vernda.

Það fer mikill tími og vinna í að byggja upp fyrirtæki. Í nafni, orðspori og viðskiptavild felast mikil verðmæti sem eru vernduð með vörumerki fyrirtækisins, vöru þess eða þjónustu. Þú vilt ekki að þriðji aðili nýti sér þessi verðmæti.

Það er því vit í því að vernda nafn, vörumerki og myndmerki fyrirtækisins. Þannig ert þú í sterkari stöðu gagnvart öðrum aðilum sem vilja nýta sér árangur þinn. Það minnkar einnig áhættuna á ágreiningi sem getur verið kostnaðarsamt.

Hvað eru vörumerki?

Hægt er að skrá ýmsar gerðir og tegundir vörumerkja.

Gerðir og tegundir vörumerkja

Til hvers að skrá vörumerki?

Til hvers eru vörumerki?

Vörumerki eru notuð til að aðgreina vöru eða þjónustu á markaði
Vörumerki má nota til að halda utan um orðspor, ímynd og viðskiptavild fyrirtækja
Vörumerki eru viðskiptatæki sem nota má til að laða að fjárfesta, vinna nýja markaði og finna samstarfsaðila
Vörumerki eru ekki til að lýsa vörunni eða þjónustunni.

Til hvers að fá vörumerki skráð?

Mikilvægt er að skrá merki ef verja þarf það fyrir ágangi annarra. Skráning vörumerkis gefur eiganda einkarétt á að nota merkið og getur hann þá bannað öðrum að nota í atvinnustarfsemi vörumerki sem eru eins eða lík vörumerki hans
Vörumerki eru viðskiptatæki sem geta hjálpað að laða að fjárfesta, komast á nýja markaði og finna samstarfsaðila
Vörumerki eru oft verðmætustu eignir fyrirtækja
Skráð vörumerki sýnir skýran eignarétt. Til þess að sanna eignarétt á grundvelli notkunar eingöngu þarf að halda vel utan um öll gögn sem staðfest geta notkun merkisins sem vörumerkis fyrir tilteknar vörur/þjónustu, jafnvel langt aftur í tímann

Sækja um skráningu vörumerkis

Hér má sækja um skráningu vörumerkis á Íslandi. Skráð vörumerki veitir eiganda þess einkarétt á að nota merkið hér á landi fyrir þá vöru og/eða þjónustu sem tiltekin er í umsókninni.

Sækja um skráningu vörumerkis

Endurnýjun vörumerkjaskráningar

Vörumerkjaskráning gildir í 10 ár frá umsóknardagsetningu. Að þeim tíma liðnum er hægt að endurnýja skráninguna til 10 ára í senn, eins oft og eigandi þess óskar.

Endurnýja vörumerki

Verndun erlendis

Vörumerki sem skráð eru hjá Hugverkastofunni er einungis vernduð á Íslandi. Ef markaðssetning er fyrirhuguð erlendis, er mikilvægt að skrá vörumerkið einnig í öðrum löndum.

Mikilvægt er að huga að því í hvaða löndum þú sérð fyrir þér að vera á markaði í nálægri framtíð og huga að vörumerkjaskráningu.

Ýmsar leiðir eru í boði, en hægt er að skrá vörumerki í alþjóðlegt Madrid ferli en einnig er hægt að skrá um ESB-vörumerki hjá Hugverkastofu Evrópusambandsins (EUIPO).

Skráning erlendis