Fréttir

Næsta verðlaunahátíð Evrópsku nýsköpunarverðlaunanna haldin á Íslandi

Eiríkur Sigurðsson11. júlí 2024Alþjóðlegt samstarfEinkaleyfiViðburðir

Evrópsku nýsköpunarverðlaunin voru afhent við hátíðlega athöfn á Möltu 9. júlí síðastliðinn. Guðmundur Fertram Sigurjónsson, stofnandi og forstjóri Kerecis, var tilnefndur til verðlauna í flokki stærri fyrirtækja fyrir uppfinningu sína á því hvernig nota má þorskroð til að græða sár.

Evrópsku nýsköpunarverðlaunin eru ein virtustu verðlaun sem veitt eru á sviði nýsköpunar í Evrópu ár hvert en verðlaunin eru veitt af Evrópu einkaleyfastofunni (European Patent Office, EPO) fyrir framúrskarandi uppfinningar sem hlotið hafa einkaleyfi í Evrópu.

Upplýsingar um verðlaunahafa er að finna á vef verðlaunanna.

Í lok athafnarinnar á þriðjudaginn var greint frá því (við mikinn fögnuð viðstaddra) að næsta verðlaunahátíð verði haldin á Íslandi. Þá verður sjónum beint sérstaklega að ungum frumkvöðlum og uppfinningum þeirra.

Við hjá Hugverkastofunni hlökkum til að taka á mót stórum hópi ungra evrópskra frumkvöðla næsta vor.

António Campinos forstjóri EPO, Borghildur Erlingsdóttir forstjóri Hugverkastofunnar og Guðmundur Fertram Sigurjónsson stofnandi og forstjóri Kerecis.

Welcome sign for European Inventor Award 2024 — Kvöldið fyrir verðlaunaathöfnina var boðið til glæsilegrar móttöku í Barakka garðinum í höfuðborginni Valetta.

Godwin Warr, forstjóri maltnesku hugverkastofunnar bauð gesti velkomna.

Íslenski hópurinn á verðlaunaafhendingunni.: Hrafn Guðmundsson, Guðmundur Fertram Sigurjónsson, Sigurbjörn Guðmundsdóttir, Fanney Kr. Hermannsdóttir, Eiríkur Sigurðsson og Borghildur Erlingsdóttir.

Fulltrúar Hugverkastofunnar: Eiríkur Sigurðsson samskiptastjóri og Borghildur Erlingsdóttir forstjóri.

Verðlaunaafhendingin fór fram í ráðstefnuhöll í Valetta sem byggð var á 16. öld og hýsti áður sjúkrahús.

Guðmundur Fertram Sigurjónsson, stofnandi og forstjóri Kerecis, var tilnefndur til verðlauna í flokki stærri fyrirtækja. Verðlaunin Fiorenzo Dioni frá Ítalíu og Richard Oberle Þýskalandi fyrir uppfinningu á álsteyputækni sem dregur úr kolefnislosun í bílaframleiðslu. — Guðmundur Fertram Sigurjónsson, stofnandi og forstjóri Kerecis, var tilnefndur til verðlauna í flokki stærri fyrirtækja. Verðlaunin hlutu Fiorenzo Dioni frá Ítalíu og Richard Oberle Þýskalandi fyrir uppfinningu á álsteyputækni sem dregur úr kolefnislosun í bílaframleiðslu.

Dr Carol Robinson fékk heiðursverðlaun fyrir ævistarf sitt við massagreiningu á prótínum.