Við erum Hugverkastofan
Þann 1. júlí varð Einkaleyfastofan að Hugverkastofunni. Við vonum að með nýju heiti komum við betur til móts við þarfir íslensks iðnaðar og viðskiptalífs.
Heimasíðan okkar er í vinnslu en við viljum endilega heyra þitt álit og athugasemdir. Þú getur heyrt í okkur með því að smella á takkann í horninu niðri hægra megin.
Hvað eru hugverkaréttindi?
Hugverkaréttur (e. intellectual property rights - IPR) er réttur sem tekur til óáþreifanlegra verðmæta og auðkenna. Hugverkaréttur felur í sér einkarétt eiganda þessara réttinda á að nota umrædd hugverk í atvinnuskyni.
Hugverk eru iðulega talin vera verðmætustu eignir fyrirtækja, ekki síst þeirra sem vinna að nýsköpun, rannsóknum og þróun. Hugverk eru óáþreifanleg verðmæti sem oft á tíðum skapa grunninn að starfsemi og velgengni fyrirtækja en í mörgum tilvikum eru þau hins vegar falinn fjársjóður sem grafa þarf upp og hlúa að svo þau megi nýta við frekari framgang fyrirtækisins.
Af hverju að skrá hugverk?
- Skráð hugverk setja þig í sterkari stöðu gagnvart samkeppnisaðilum
- Skráð hugverk geta minnkað áhættu og skapað ýmis tækifæri
- Með því að skrá verður þú eigandi hugverksins. Það þýðir að þú hefur rétt á að selja hugverkið eða veita leyfi fyrir notkun þess gegn gjaldi
Vörumerki
Einkaleyfi
Hönnun
Nýjustu fréttir
Þjónustan okkar
Hugverkaráðgjöf
Vantar þig aðstoð við að fóta þig í heimi hugverkaréttinda? Hafðu samband og kíktu í heimsókn.
Samtalsleit einkaleyfa
Ertu með uppfinningu? Leitaðu í gagnagrunnum með einkaleyfasérfræðingum til að komast að því hvort hún sé ný.
Samanburðarleit fyrir vörumerki
Ert þú með hugmynd að vörumerki? Veist þú hvort að vörumerkið sé einstakt?
Þjónusta Nordic Patent Institute (NPI)
Nordic Patent Institute er alþjóðleg stofnun sem Ísland, Danmörk og Noregur eru aðilar að. Stofnunin var sett á stofn með það að markmiði að viðhalda tækniþekkingu innan Norðurlandanna og bjóða uppá hraða og góða þjónustu við rannsóknir á einkaleyfum, á samkeppnishæfu verði.