Fræðsla
Afurðarheiti
Afurðarheiti er nafn sem notað er fyrir landbúnaðarafurðir sem framleiddar eru á sérstökum svæðum eða samkvæmt tiltekinni hefð. Skráð afurðarheiti eru hugverkaréttindi og hjá Hugverkastofunni tengjast þau einkum mati á skráningarhæfi vörumerkja. Vörumerki má t.d. ekki skrá ef það felur í sér verndað afurðarheiti, t.d. FETA eða Parmigiano Reggiano. Vörur sem njóta verndar með afurðarheiti hafa á sér ákveðinn gæðastimpil og má merkja með ákveðnum merkjum.
Í hnotskurn:
Skráður réttur
hjá Matvælastofnun
Ekki má skrá vörumerki
sem inniheldur verndað afurðarheiti
Gæðastimpill
og þar með ákveðin neytendavernd
Afurðaheiti Evrópusambandsins gilda hér á landi og sjá má í gagnagrunninum GIview hvaða heiti njóta verndar. Hugverkastofan mun taka við hlutverki Matvælastofnunar hvað varðar móttöku umsókna og umsjón með skráningu íslenskra afurðaheita (e. Geographical Indications – GIs) frá 1. janúar 2027.