Evrópska einkaleyfastofan (EPO) í samvinnu við aðildarríkin, þar á meðal Ísland, hefur sett saman stuðningsáætlun (CSP) fyrir næstu kynslóð einkaleyfasérfræðinga. Markmið áætlunarinnar er að auka þekkingu og þjálfa nýtt starfsfólk innan greinarinnar.

Verkefnið er liður í stefnu EPO 2028 sem felur m.a. í sér eftirfarandi markmið:

Fjölga hæfum sérfræðingum innan einkaleyfakerfisins.
Skapa fleiri tækifæri fyrir konur innan einkaleyfakerfisins.
Auka aðgengi og þekkingu til að nýta upplýsingar um einkaleyfakerfið með nýjum stafrænum lausnum.
Styðja við þróun samfélags sem hvetur nýja kynslóð einkaleyfasérfræðinga til að taka við keflinu og leggja sitt af mörkum.

Frestur til að leggja inn umsókn er til 15. ágúst 2025.

Umsækjendur þurfa að sækja um á þar til gerðu eyðublaði. Hugverkastofan tekur ekki á móti umsóknum í gegnum tölvupóst.
Ekki þarf að hlaða skjalinu niður eða prenta það nema umsækjandi óski að eiga eintak til eigin nota.
Umsóknareyðublaðið er aðeins fáanlegt á ensku en umsækjendur geta sent inn kynningarbréfið og bréf frá vinnuveitanda sínum á eigin tungumáli.
Sönnun á búsetu umsækjanda má ekki vera eldri en 6 mánaða. Sönnunin getur verið reikningur frá opinberu fyrirtæki eða afrit af úr opinberri skrá.

Evrópska einkaleyfastofan - þjálfun CSP 2025