Fréttir
Nýsköpunarþing 2023 - Líf í lífvísindum 26. október
Hugverkastofan, Rannís, Íslandsstofa og Nýsköpunarsjóður atvinnulífsins bjóða til Nýsköpunarþings 2023 í Grósku 26. október kl. 13:30-15:00. Á þinginu verður kastljósinu beint að nýsköpunarfyrirtækjum sem starfa á sviði líf- og heilbrigðisvísinda.
Öll velkomin.
Upptöku frá þinginu má sjá hér að neðan.
Stofnendur og stjórnendur Íslenskrar erfðagreiningar, Kerecis, Alvotech, NOX Medical, Sidekick Health, BIOEFFECT og Oculis munu fjalla um árangur sinna fyrirtækja frá mismunandi sjónarhóli. Öflug nýsköpun á sviði líf- og heilbrigðisvísinda hefur leitt af sér þúsundir hátæknistarfa og milljarða í útflutningstekjur. Samfélagslegt mikilvægi þessara fyrirtækja er einnig mikið því starfsemi þeirra bjargar mannslífum, bætir heilsu og eykur lífsgæði fólks um allan heim.
Að erindum loknum mun Áslaug Arna Sigurbjörnsdóttir, háskóla-, iðnaðar- og nýsköpunarráðherra, veita Nýsköpunarverðlaun Íslands 2023.
Í lok þingsins verður boðið upp á léttar veitingar.
Fundarstjóri: Borghildur Erlingsdóttir, forstjóri Hugverkastofunnar
Dagskrá:
13:30 Setning - Áslaug Arna Sigurbjörnsdóttir, háskóla-, iðnaðar- og nýsköpunarráðherra
13:35 Aðalerindi
Brautryðjandinn - Kári Stefánsson, forstjóri Íslenskrar erfðagreiningar
Einhyrningurinn - Guðmundur Fertram Sigurjónsson, forstjóri Kerecis
14:05 Styttri erindi
Lilja Kjalarsdóttir, forstöðumaður rekstrar og stefnumótunar í rannsókna- og þróunardeild Alvotech
Einar Stefánsson, stofnandi Oculis
Sæmundur Oddsson, meðstofnandi og framkvæmdastjóri lækninga og rannsókna Sidekick Health
Berglind Johansen, framkvæmdastjóri sölusviðs BIOEFFECT
Sveinbjörn Höskuldsson, þróunarstjóri Nox Medical
14:40 Afhending Nýsköpunarverðlauna Íslands 2023
Áslaug Arna Sigurbjörnsdóttir, háskóla-, iðnaðar- og nýsköpunarráðherra
15:00 Léttar veitingar og spjall í miðrými Grósku